Il Giornale
Europa e madhe pikon gjak. Gjakun e qytetarëve të saj të goditur në zemër nga atentatet që prej 10 vitesh po shkrumbojnë Kontinentin e Vjetër. Europa qan. Derdh lotët e 450 viktimave të pafajshme, viktimia të lirisë europiane të sulmuar nga dhuna islamike. Europa dëshpërohet. Ulërima zemërimi kundër një lufte që institucionet europiane ende nuk janë në gjendje ta ndalojnë.
Lutet, kur mundet, Europa. Ngre kërkesën e saj ndaj atij Zoti që terroristët e transformojnë në urdhëruesin e dhunës së tyre. Nga atentatete 11 marsit të 2004 në Madrid, te shpërthimet në Bruksel. Janë më shumë se 453 viktima të terrorizmit islamik, të vrarë në djepin e qytetarisë perëndimore. Dhjetë vjet terrorizëm dhe katastrofa. T’i rinumërosh është njësoj si të shohësh një film gjysëm dramë dhe gjysëm horror. Një film që duhet riparë ama, për të kujtuar, denoncuar dhe reaguar ndaj ekstremizmit islamik. Dhjetë bomba në 4 trena të ndryshëm shkatërruan sigurinë europiane në vitin e largët 2004.
191 perosna humbën jetën dhe 2 mijë u plagosën. Nga ai sulm morën jetë edhe sulmet e tjerë. Një vit më pas ishte radha e Londrës. 4 kamikaze u vetëhodhën në erë duke u marrë jetën 56 civilëve. Pas asaj goditjeje Europa provoi të ringrinte kokën. Më kot. Masat e sigurisë nuk mjaftuan.
Në 11 marsin e 2012, Mohamed Merah, një qytetar francez me origjinë algjeriane, goditi për vdekje tre ushtarakë në Tuluzë. Më pas, i pakënaqur me veprën e tij, sulmoi një shkollë në Montoban, duke vrarë tres tudentë dhe një profesoreshë. Franca, Belgjika, Anglia, Spanja. Asnjë vend, ose pothuajse, nuk është imun ndaj terrorizmit. E gjithë Europa është plagosur.
Në Burgas, Bullgari, Hezbollahu arriti të vrasë 5 turistë nga Izraeli. Hebrenj ishin edhe dy nga katër viktimat në muzeun e Brukselit të sulmuar nga një franko-algjerian. Më pas kronika më e fundit. Errësuar nga flamuri i zi i IS. Vëllezërit Kouachi dhe Amedi Coulibaly sulmojnë revistën satirike Charlie Hebdo. 12 të vrarë. Dy ditë më pas 8 viktima në një supermarket, po në Paris. Pa kaluar një vit Parisi shndërrohet sërish në një teatër tmerri. 13 dhe 14 nëntori i 2015 goditi më fort se kurrë Europën.
Një grup terroristësh vranë 130 persona. Prindër, nëna, vajza, djem, fëmijë të vegjël. Por nuk mjaftoi. Nuk mbarroi aty. Dhe 28 të vdekurit në Bruksel e dëshmojnë këtë./ Pëgatiti: Amarildo Lumani/Tema
