Deputeti socialist ndodhet për një vizitë në institucionet e Bashkimit Evropian
Nënkryetari socialist i grupit parlamentar, Taulant Balla, thotë se ka shpëtuar për mrekulli nga sulmet e sotme në Bruksel. Përmes një mesazhi në facebook, Balla shkruan se pak sekonda mund të ishin fatale për të.
Deputeti socialist, Taulant Balla, shkruan kështu në rrjetin social: “Brukseli nën sulme terroriste. Pas aeroportit u ktheva në stacionin e metrosë Maalbeck. Pak metra ose pak sekonda mund të ishin fatale. Edhe aty shpërthim. Duhet më shumë forcë për të goditur terrorizmin. Janë të pabesë”, shkruan Balla.
