Debati që ndezi në Gjermani vendimi i një banke të rëndësishme ushqimi për t’i ndaluar të huajve vaktet falas, nuk e ka lënë indiferente kancelaren Angela Merkel.
Por, jo të gjithë binden nga ky argument, siç u pa qartë nga shkrimet “nazistë”, të shfaqura në kamionët e saj të shpërndarjes. Merkeli nuk e fshehu pakënaqësinë me faktin që rregullat e reja të Essener Tafel kërkojnë nga persona në nevojë të paraqesin një pasaportë gjermane nëse duan të marrin ushqim.
“Shërbimet bazike nuk mund të kryhen në bazë kategorizimesh të tilla. Kjo nuk është gjë e mirë. Ndërkohë, ato tregojnë nga ana tjetër se sa e lartë është trysnia në këtë rast dhe sa i madh numri i njerëzve të gjendur në vështirësi. Shpresoj të gjejmë një zgjidhje të mirë për këtë situatë, e cila të mos përjashtojë askënd”, deklaroi Merkel.
Rreth 1,2 milionë azilkërkues hynë në Gjermani gjatë krizës së emigrantëve në vitet 2015-2016. Më shumë se gjysma e tyre vinin nga vende të gjunjëzuara prej konflikteve si Siria, Iraku e Afganistani. Fluksi rekord i të mbërriturve nxiti mbështetjen për partinë kundër emigrantëve, Alternativa për Gjermaninë. Ashtu siç mund të pritej prej saj, AFD e mbrojti politikën e bankës, duke shkruar në faqen e vet të Facebook-ut se nazist është ai që e kundërshton këtë veprim.
http://top-channel.tv/2018/02/27/buke-vetem-per-gjermanet-merkel-reagon-ndaj-perjashtimit-te-te-huajve/
