Shtypi katalanas i ka kushtuar vëmendje Messit dhe Iniestës, dy protagonistëve të fundit të ndeshjes së Ligës së Kampionëve, në të cilën Barcelona arriti të marrë një barazim në “Stamford Bridge”, kundër Chelsea.
“Mundo Deportivo” shkruan se askush nuk e përfaqëson më mirë epokën fitimtare të Barcelonës në vitet e fundit se çifti i formuar nga Messi dhe Iniesta.
“L’Esportiu” ka titullin e madhë “The Nightmare Blue”, duke kujtuar se si nëntë vjet më parë, një lojë në mes të dyja skuadrave do të shënonte kalimin e Barcelonës në finalen e Romës, ku katalanasit do të mundnin Manchester United dhe do të fitonin Champions-in.
“La Vanguardia” nënvizon se Messit i kanë mbetur gjashtë ekipe pa iu shënuar gol në Champions (Atletico Madrid, Liverpool, Benfica, Rubin Kazan, Inter dhe Udinese), me të cilat është përballur argjentinasi në këtë kompeticion madhor për klubet europiane.
