Debate të shumta në seanën e sotme parlamentare ku opozita akuzoi qeverinë se ka hequr mbi 20 mijë familje nga ndihma ekonomike.
Kur Rama po fliste për ndihmën ekonomike në foltoren e Kuvendit, kreu i PD-së, dhe deputetët e opozitës i janë afruar foltores duke i kërkuar llogari Ramës për gjuhën e përdorur, duke i quajtur “zogjtë e korbave”.
“Tritan, ne nuk krahasohemi me kohën e zogut po përballë zogjve të kohës që jeni ju dhe fluturoni si korbat mbi çdo gropë që hapët duke kërkuar llogari prej nesh. Urdhëro, vazhdoni fluturoni, po ta mësojnë njerëzit se ju jepnit 38 mln dollarë për ndihmën ekonomike, ne japim 48 mln dollarë. Subvencioni juaj për energjniinë, ujin librat e kështu me radhë ishte minimal”, tha Rama në fjalën e tij.
Pas këtyre fjalëve Basha me deputetët demokratë iu afruan foltores dhe më pas u larguan, pas përfundimit të fjalës së kreut të qeverisë Ruçi mbylli seancën parlamentare.
