Nga Hamdi Skeja
Dibra është zhytur në humnerë sa që s’ ka shtetar dhe shpellarë për ta shpëtuar. Sepse ajo sot lëngon si një njeri në prag vdekjeje! Disa mund ta shohin ndryshe, por s’ ka asnjë djall optike në konceptin e medaljes tjetër. Dibra, në rrugën e parrugë, duhet të udhëtosh të paktën 5 orë me arkivol me vete! Po, po duhet arkivoli me vete, pasi rruga vetem rrugë nuk mund të quhet. Teksa ecën shikon grumbuj gurësh, tufa lulësh apo edhe pllaka të mermerta në anë të ashtëquajturës rrugë. Bijë dhe bir nënash që kanë humbur jetën!
Që të jem i sinqertë me veten, pastaj edhe me juve, rrugën na e ka borxh qoftëlargu Berisha! (Por mos e shpupuritim kot, pasi atë e dinë ata që e duan Dibren si UNË) Pa politikë, pa politikanë!
Pasi u ngopën me hashash , të mbeshtetur nga EdvinZiu, dhe ruajtur nga policia e Saimir Tahirit, erdhi në pushtet. Është folur aq shumë për “Rrugën e Arberit” , saqë më është fiksuar si një refren kënge!
Edhe pse ka ca fjalë lart e posht, unë nuk besoj pa parë veprat. Por edhe nëse vertetë e finalizon EdvinZiu, do ta falenderoj ashtu tamam siç i ka hije një dibrani, një burri dibre.
Kur arrijë në Peshkopi, më vjen të ulëras me të madhe! Të ulëras dhe ta vajtoj, por as gratë e nderuara të Zallë Dardhes, nuk e vajtojnë dot! Për hir të Zotit, të Muhametit, lëshoj një ofshamë nënvete! E prap me vete them:
Ju zënshin mallkimet e mia! I kam mallkuar shpesh, vazhdoj t’i mallkoj, çdo politikan të 27-viteve, por më shumë EdvinZiun! Shtetarët apo shpellarët e sollën Dibrën në pragun e “vdekjes”.
Pasi takoj ndonjë shok, më thotë: – Hamdi, e ke marr vesh për drurin, për shkopin e bejsbollit, për thikën , grushtin në Bashki?! – I jap një nënqeshje ironike! Po, e di mik. Çfarë gatuajtën hëngrën. As më pak, as më shumë.
Por mua kjo nuk më shqetëson aq shumë, sepse ajo shprehja është: ai stan, atë bulmet ka.
E meqese jemi te bulmeti, dibranët (të paktën një pjesë që nuk u shitën) po përballen me keqqeverisjen e EdvinZiut, me pasoja goxha të mëdhaja! Kur fola dikur për mollat e Dibres, hedhur kanalëve kudo, e përse mos flas edhe tani për fermerët?! Pa pikën e frikës e them: ata janë heronj të punës. Por, ministri i bujqësisë, faqeziu, i ka shkuar mendja ndonjëherë për t’i takuar fermerët?! Përgjigjia është JO.
Kurse nga ana tjetër, politika tallet me dibranët. Po Dibranet kur do të dalin dhe të tregojnë se janë ata dibranet e Dibres historike?!
Dhe pas kësaj pyetje që kam kaq kohë që nuk marr përgjigje, dal në ish-bulevardin që është bërë një shëmtirë, përtej shëmtirës! Aty teksa më kujtohet siç kishte bukurinë, nisem nga Gjergj Kastrioti, më pas nga Vehbi Dibra, Dom Nikoll Kaqorri e Elez Isufi, më vërsulën dy- tre tufa qenësh që kanë zaptuar bulevardin që u shëmtua dhe këta qentë e “inagurojnë” ku “inagurimi”, mbetet me ditë të tëra mbi pllakat e shpifura!
Ju do thoni, po ti Hamdi, çfarë bën?!
– Edhe unë e “inaguroj” sipas menyrës sime!
