Për shkak të motit të keq me reshje masive shiu, që përfshiu vendin dy ditët e kaluara, situata në Qarkun e Vlorës vijon të jetë dramatike.
Lumi Vjosa ka dalë nga shtrati, duke përmbytur këto zona, ndërsa uji vijon të vërshojë edhe sot, duke rrezikuar edhe fshatin Bishan. Të gjitha rrugët janë të bllokuara dhe shumë banorë vijojnë të jenë nën pushtetin e ujit. Prezenca e ujit në banesa arrin në 1.5 metra në fshatin Fitore, ndërsa gjatë mbrëmjes së kaluar FA ka evakuuar 80 familje.
Ndërkohë, sot është parashikuar një ditë e kthjellët dhe pa reshje shiu, prej ku pritet dhe një tërheqje e Vjosës dhe rikthimi i lumit në shtrat.
