Moti i keq i dy ditëve ka shkaktuar avari në rrjetin elektrik të disa zona të vendit, ku janë shfaqur 90% e defekteve.
OSHEE bën me dije se është duke ndjekur furnizimin me energji elektrike të të gjithë konsumatorëve nëpërmjet rrjetit shpërndarës të energjisë elektrike nga Drejtoria e TL dhe Drejtoritë Rajonale përkatëse.
Rajonet më të prekura nga defektet janë Elbasani, Gjirokastra dhe Vlora.
Për shkak të motit të keq me erëra dhe reshje të dendura që ka përfshirë vendin, afro gjysma e linjave që nuk punojnë janë stakuar nga vet OSHEE si masë sigurie për të evituar rreziqet në rrjetin shpërndarës të energjisë elektrike.
