Ministri i Drejtësisë: Të shmanget paraburgimi kur një person kapet në flagrancë, duhet një kod i ri penal
Ministri i Drejtësisë, Ylli Manjani propozon: kush kapet në flagrancë duhet të shkojë direkt për gjykim duke shmangur paraburgimin. Ministri i Drejtësisë propozon kështu gjykimet e drejtpërdrejta duke theksuar se duhet një kod i ri penal ku të përfshihet ky propozim.
Në fjalën e tij gjatë konferencës së avokatëve penalë, Manjani tha: Është e paparnushme që një person që arrestohet për armëmbajetje pa leje të mbahet në paraburgim. Nëse është arrestuar për armëmbajtje pa leje çohet direkt për gjykim, pikë. O është arrestuar në flagrancë, o nuk është arrestuar dhe shkon në shtëpi. Nuk është vetëm çështje kostosh, por është në radhë të parë çështje e standardeve dhe të drejtave të njeriut. Është çështje e kulturës së ndëshkueshmërisë. Të gjithë duhet ta dinë që kush e mban armën pa leje duhet të dënohet, pikë. Kësaj strategjie duhet ti përgjigjet sistemi penal”, tha Manjani.
