Reshjet e nisura mbrëmjen e djeshme do të vijojnë gjatë gjithë ditës së sotme dhe nesër në të gjithë vendin. Sipas Institutit të Gjeoshkencave do të ketë reshje mesatare në shumicën e qarqeve, lokalisht intensive edhe me shtrëngata në disa prej tyre.
Ndërsa priten edhe reshje në formën e dëborës në 700m, të cilat nesër pasdite, ne veri-lindje, në zona të kufizuara do të zbresin deri në 500 m mbi nivelin e detit. Emergjencat Civile janë në gatishmëri nëse do të ketë përmbytje në zonat që nëntor dhe dhjetor të vitit të kaluar kishte probleme.
