Kryeministri Edi Rama njoftoi sot se qeveria ka vendosur kontaktë serioze me një kompani që është interesuar për aeroportin e Kukësit.
“Lajm i mirë (si për inat të atyre që vunë kujën pse Vlora jo Kukësi?): Më në fund një kontakt serioz për ✈️ e Kukësit? Të shohim. Kam besim✌”, shkruan Kryeministri Edi Rama në një postim në Facebook.
Kryeministri nuk jep detaje të tjera se kush është kontakti ose kompania që ka shprehur interes për të investuar në këtë aeroport.
Mësohet se në qytetin e Kukësit, ekziston pista por që nuk është vënë ende në funksion.
