U deshën plot 15 vjet që të ndodhte sërish. Asnjë skuadër italianë në çerekfinalet europiane… janë zhdukur të gjithë. Dhe mbi të gjitha janë vetëm 3 ndeshje të fituara në 14 të luajtura. E fundit që u largua ishte Lacio dhe çfarë ikje, pas një shëtitje të çekëve të Spartës nëpër Romë. Tani të gjithë e kanë me presidentin Lotito, duke i bërë edhe kërkesa ironike. Sipas tifozëve që e vërshëllyen aq shumë pas ndeshjes, tashmë është koha që Lotito të bëj diçka si lacial: Të largohet nga Lacio. Apo diçka më folklorike: “Në jetë ka më shumë dyshime se sa gjëra të qarta, ndërsa jeta e një tifozi të Lacios ka vetëm një gjë është e qartë… largimin e Lotitos”. Ndërkohë që ky sezon ishte vërtetë katastrofë. Filloi me humbjen e finales së Superkupës me Juventusin, më pas vjen eleminimi nga faza paraeleminatore e Champions prej Bajer Leverkusen, si dhe eleminimi nga çerekfinalet e kupës së Italisë, sërish nga Juve. Largimi i djeshëm nga Europa League, shansi i vetëm për të shpëtuar sezonin, si dhe ka mbetur vendi i tetë në kampionat, 7 pikë më pak se Milani i vendit të gjashtë, që do të thotë zona “UEFA” dhe -18 nga rivalët e Romës. Këto janë vërtetë shumë edhe për një president si Lotito.
