Nga Besmir Lushaj
Në pritje që minatori i radhës të vdesë në Bulqizë, Qosja apo Kadare? Në pritje që naftëtarët e Ballshit të marin rrogat, Qosja apo Kadare?
Në pritje që skllevërit e fasonerive të asfiksohen në fabrikat e përçudnimit, Qosja apo Kadare?
Në pritje që Valbona të shpërfytyrohet, Qosja apo Kadare?
Në pritje që reforma në arsimin e lartë të dëbojë dijen nga universitetet, Qosja apo Kadare?
Në pritje që kusarët të hapin vullnetarisht dyert e qelive të tyre, Qosja apo Kadare?
Në pritje që popullësia të tkurret drastikisht nga emigrimi masiv, Qosja apo Kadare?
Në pritje që spitalet të konvertohen de jure në filiale bankare, Qosja apo Kadare?
Në pritje që shpresa të vetflijohet, Qosja apo Kadare?
Meqë as Qosja as Kadare nuk patën kurrë një përgjigje për këto pyetje, origjina e kataklizmës potenciale sythohet pikërisht tek dyzimi hamletian: Të rrojmë apo të flemë duke dremitur njëzëri; Qosja apo Kadare?
