Ka reaguar për numrin e grekëve të vrarë gjatë luftës italo-greke 1940-‘41 historiani Arben Llalla, i cili thotë se numri prej 8-9 mijë ushtarë nuk është i saktë.
Ai shton se lista zyrtare ka 7.948, prej të cilëve 1141 janë vetëm nga ishulli i Kretës. Por, ka ushtarë, të cilët janë lënduar dhe kanë vdekur në spitalet e Janinës dhe Follorinës, pra kanë varret në Greqi. Ka edhe nga ata që vdiqën pas një viti dhe u shpallën dëshmorë.
Sipas tij, duhet patur kujdes në numrin e varreve, sepse nuk duhet të kemi varre bosh, ashtu si në varrezën e Këlcyrës, ku janë ndërtuar 350 të këtilla pa asnjë gjë brenda.
