Pas zgjedhjes së Kryeprokurores së Përkohshme Arta Marku, ish-kryeministri Sali Berisha ka bërë thirrje opozitës për asgjësim të mandateve,
“Sqaroj cdo shqiptar se sot në Parlament Edi Rama organizoi një pritë cubash ndaj meje. Kërkova fjalën për procedurë, kryetari i parlamentit më kërkoi të flisja pas Rama urdhëroi mercenarë shefin e rojeve të gardës dhe bëri një pritë, gjë e cila s’ka ndodhur kurrë në historinë e parlamentit. Pra, pasi kryetari jep fjalën një fundërrinë pa asnjë moralitet njerëzor, pa asnjë parim urdhëron rojet dhe më dalin përpara. Edi Rama e bëri këtë, nuk e bëri Ruçi, s’mund ta bëjë kurrë kryetari. Kjo ka një domethënie se kjo opozitë në këtë parlament e dhunuar në shkallë ekstreme nuk ka bashkëjetesë me mazhorancën. Duhet të marrë çdo vendim për të përmbysur narkoshtetin. Vendimet për djegien e mandateve i merr grupi parlamentar, unë them që në këto kushte opozita i largohet pushtetit dhe qëllimeve të saj. De fakto sot është zgjedhur prokuror Edi Rama. Rruga e vetme e përmbysjes është ndarja me të keqen dhe e keqja më e madhe është Rama, pas Enver Hoxhës”, u shpreh Berisha.
Kryetarja e LSI, Monika Kryemadhi,doli kundër qëndrimit të ish-kryeministrit Sali Berisha, për djegien e mandateve të deputetëve të opozitës, duke u shpreh se mandatet e deputetëve janë fituar me gjak.
“Populli janë të mirët, Parlamenti i Edi Ramës me kriminelët duhen larguar. Ne nuk do të ndalemi. Rama burgon njerëz që skano bukë të hanë dhe mbron trafikantët. Këtu nuk është problemi të djegim mandatet, por është momenti të djegin mandatet trafikantët. Ne do t’i drejtohemi qytetarëve”, deklaroi Kryemadhi.
http://shqiptarja.com/politike/2732/berishat–asgj-sojm–mandatet–kryemadhi-i-mor-m-me-gjak-459497.html
