Ministri i Drejtësisë kritika të forta gjyqtarëve: më shumë besohet qeveria se gjykata
“Më shumë besohet qeveria se gjykata, e kundërta duhet të ndodhë, vendimet e gjykatave duhet të drejtonin qeverisjen”, ky është konstatitimi i ministrit të Drejtësisë, Ylli Manjani për nivelin e korrupsionit në gjykata. Në një konferencë të organizuar nga OSBE në Shqipëri në bashkëpunim me ministrinë e Drejtësisë dhe Prokurorinë, Manjani ka shprehur kritika të fota për gjyqsorin duke theksuar se ky system vazhdon të jetë në drejtim të paditur.
“Në katër muaj detyrë, ndaj me ju konsiderata jo te kendshme. Opinioni publik shkruan dhe ankohet për ju. Nuk ka qeverisje të mirë pa drejtësi. Zullimi dhe problemi i qeverisë thellohet kur ju nuk e bëni detyren. Janë mijëra sipërfaqe toke të grabitura për të cilat gjykatat heshtin apo në rastin më të keq e legalizojnë. Jam këtu për të respektuar çdo vendim të pavarur gjykate, por asnjë tolerancë për një gjyqtar apo gjykatës që del në drejtim të paditur. Nëse grabitja e etikës ndodh nëpërmjet falsifikimit, është një histori që nuk tregon shtet por maskarallëk, ky gjykatës behet pjese e nje krimi”, ka thënë Manjani.
