Është hapur në Tokio një ekspozitë me fotografi nga jeta dhe udhëtimi bamirës i Nënës Terezë.
Ekspozita vjen në Sophia University ndërsa ka për qëllim që me anë të 50-të fotografive t’i tregojë japonezëve mbi Nënë Terezën dhe dëshirën e saj që të gjithë njerëzit, e të gjitha kombeve dhe religjioneve, të bëhen bashkë për të ndihmuar njerëzit në nevojë.
Ekspozita “Nënë Tereza- Bamirësja nga Shkupi, Bamirësja e Botës” është hapur në praninë e Ambasadores maqedonase në Tokio, Andrijana Cvetkovik.
Në mesin e fotografive që ekspozohen janë edhe fotografi nga momenti kur ajo merr çmimin Nobel për Paqe, fotografi të udhëtimit të saj në Indi, takimet e saj me presidentin Ronald Reagan dhe me Yasser Arafat.
Nënë Tereza e ka vizituar edhe Japoninë, disa herë në vitet 80-të, ndërsa një prej vizitave të saj ishte pikërisht në Sophia University, aty ku edhe është hapur ekspozita.
http://www.kultplus.com/arti-pamor/ne-tokio-hapet-ekspozite-fotografi-te-nenes-tereze-foto/
