Pas dorëheqjes së tetë mjekëve nga Urgjenca e QSUT, ka reaguar kreu i Grupit Parlamentar të LSI, Petrit Vasili, duke e cilësuar shëndetësinë falas një mashtrim kriminal të kryeministrit mashtrues.
Me anë të një postimi në facebook, Vasili shkruan se me padije të tmerrshme Rama nuk la budallallëk pa thënë për shëndetësinë, teksa ironizon me të, kur shton se dihet që ai kupton “shumë” nga mjekësia.
Postimi i plotë
Shendetesia falas, mashtrimi kriminal i kryeministrit mashtrues. Mashtrimi me i pacipe qe shqiptareve ju eshte bere ndonjehere eshte shendetesia falas, qe premtoi me zhurme te madhe ky kryeminister. Me padijen e tmerrshme, tashme te njohur te tij,kryeministri nuk la budallallek pa thene per shendetesine,pasi dihet qe kupton “shume” nga mjeksia. Buxheti per 2018 kaloi dhe shendetesia dhe nuk eshte jo falas por eshte ne ditet e saj me te keqia.
Kryeministri genjeu rende qindra mijra shqiptare. Duhet te iki ai sa me pare. Shendeti i njerezve nuk kurohet me mashtrime, por me modesti dhe kokeulje dhe kur nuk kurohet shendeti ky eshte KRIM. Në premtimin e PS-së që u fiksua edhe në programin e qeverisë 2013-2017 deklarohet reformë radikale. “Ne do të ofrojmë një mbulim universal për kujdesin shëndetësor për gjithë shqiptarët rezidentë ku asnjë individ të mos mbetet pa kujdes shëndetësor, sepse nuk disponon mjetet e nevojshme financiare. Kujdesi shëndetësor do të financohet nga taksimi i përgjithshëm”, shkruhet në këtë program.
