Ministri i Brendshëm, Fatmir Xhafaj ka zbritur në terren dhe ka inspektuar situatën e përmbytjeve në autostradën Durrës-Tiranë, në zonën e Vorës, ku ndodhen dhjetëra automjete të dëmtuara nga uji niveli i të cilit arriti 1.5 m.
I pyetur se kur do të rinisë qarkullimi i automjeteve nga Durrësi në drejtim të Tiranës, Xhafaj tha se do jetë gati sapo të lirohet nga automjetet.
Xhafaj, është përballur me disa qytetarë të revoltuar, të cilëve u janë përmbytur për të disatën herë gjatë viteve të fundit bizneset apo shtëpitë.
“Veëm të mbytem vetë, e kam nxjerr mamin tim në krahë” – iu drejtua një banor Xhafajt.
“Asnjë të mos mbytet” – tha ministri.
“Me gjithë respektin, ti si politikan karriere nuk do na zgjidhësh gjë. Ku ti gjejmë lekët, kë të vjedhim, ku të mbytmie, e ketarëta herë që shtëpia ime mbytet në Gjokaj” – tha dikush tjetër.
“Kam folur me bashkinë vit për vit dhe asgjë, cdo vit duhet të ndërroj miobiljet dhe çdo gjë në shtëpi, desh jam përmbytur mbrëmë, tek shtëpia ime nuk ka qenë ansjë deri në ora 2” – tha një i ri Xhafës i cili u përlot.
Ministri, në këtë pikë i dha numrin e tij personal të cilin banori e shënoi.
“Të vijnë tatimet” -tha dikush tjetër.
“Tani i do?” – tha ministri.
“Me një këmbë të vijnë, se ata duan 20 përqindëshin, kurse mua më është përmbytur malli. Herën e fundit që më ndodhi nuk erdhën. Nëse nuk hapet përroi, nga “Lubjana” deri te derdhja e Limuthit nuk ka zgjidhje.”
