I modifikuar në bardhezi, ky imazh i publikuar sot nga “Fotografitë që kanë bërë historinë” të jep përshtypjen e një ngjarjeje që është zhvilluar para shumë vitesh, ndërsa Luan Rama dhe Fatos Nano u ngjajnë dy bosave të mafias.
Por fotografia është realizuar nga Gent Shkullaku me datë 24 qershor të vitit 2003 gjatë ceremonisë së 75 vjetorit të Gardës së Republikës.
Në atë kohë Luan Rama ishte Ministër i Rendit ndërsa Fatos Nano, Kryeministër i Shqipërisë.
“Në të djathtë te fotografisë gjendet Salvatore Tosi Riina i njohur nga të gjithë si “Totò”, “Bisha”,( La belva)
“Bosi i shkurtër” ( u’ curtu) prej trupit të shkurtër i cili lindi më 16 nëntor 1930 në Korleone. Ai është bosi i Mafias Siçiliane dhe u bë kapoja më i fuqishëm që pati njohur ndonjëherë historia e Italisë.
Në të djathtë kemi Leoluka Lion Bagarela, i cili shkrep pistoletën për të festuar synetllëkun e djalit të Totò Riina”, shkruhet në postimin e “Fotografitë që kanë bërë historinë”.
