Një konflikt mes të rinjsh ka ndodhur rreth mesnatës në zonën e Bllokut ku ka përfunduar me një të lënduar.
Si pasojë ka mbetur i dëmtuar Erlis Duka 27 vjeç, banues në Tiranë, i cili nuk është qëlluar më armë, por me grushte.
Duka është dërguar në spital për ndihmë mjekësore, ku më pas është arrestuar për “Moskallëzim Krimi”. Gjatë konfliktit njëri prej personave të përfshirë në konflikt ka qëlluar me armë zjarri në ajër.
Policia bën me dije se në vendin ku është zhvilluar konflikti janë sekuestruar 2 gëzhoja arme zjarri, si dhe ka shoqëruar 15 persona për të kryer sqarime dhe verifikime të mëtejshme.
