Policia e Pogradecit ka arrestuar një 26- vjeçar, pasi ka plagosur me sende të forta ditën e sotme dy vëllezër brenda ambjenteve të lokalit të cilët ata kishin në zotërim.
Të plagosur kanë mbetur dy vëllezërit A.C, 44 vjeç dhe A.C, 46 vjeç, të cilët ndodhen në spital ku janë jashtë rrezikut për jetën.
Njoftimi i policisë:
Plagos me sende të forta për motive të dobëta, dy pronarët e një lokali (vëllezër) si edhe dëmton ambjentin në brendësi të tij.
Arrestohet në flagrancë nga Policia autori i dyshuar i ngjarjes.
Specialistët e Seksionit për Krimet në Komisariatin e Policisë Pogradec, bënë kapjen dhe arrestimin në flagrancë të shtetasit:Borian Syzo, 26 vjeç, banues në Pogradec.
Arrestimi i tij u bë pasi, më datë 02.11.2017, në lagjen nr 1 në Pogradec, për motive të dobëta, ka goditur me sende të forta shtetasit A.C, 44 vjeç dhe A.C, 46 vjeç, (vëllezër), të dy banues në Pogradec, në lokalin në pronësi të tyre si edhe ka dëmtuar orenditë e këtij të fundit. Dy shtetasit e lartpërmendur ndodhen në Spital, jashtë rrezikut për jetën.
Materialet i kaluan Prokurorisë të Rrethit Gjyqësor Pogradec për veprat penale : “Plagosja e rëndë me dashje” dhe “Shkatërrimi i pronës” parashikuar nga nenet 88 e 150 të Kodit Penal.
