Banorët e Himarës janë përplasur me policinë, gjatë operacionit të IKMT për shembjen e banesave që preken nga projekti i Bashkisë për shëtitoren përgjatë bregdetit.
IKMT të shoqëruar nga forca të shumta policore, nisi mëngjesin e sotëm operacionin për shembjen e rreth 22 banesave për t’i hapur rrugë rikualifikimit urban të Himarës.
Deri tani mësohet se janë prishur tetë objekte kryesisht dyqane dhe mure rrethuese të shtëpive. Janë rreth 80 banesa të vjetra të cilat pritet të shemben nga realizimi i këtij projekti.
Vetë banorët e Himarës kanë kundërshtuar projektin duke e cilësuar atë si gjenocid, pasi sipas tyre nuk parashikohet dëmshpërblimi sipas ligjit.
Banorët e Himarës protestojnë me flamur grek e amerikan kundër prishjes së banesave.
