Macron nënshkruan ligjin kundër terrorizmit që zëvendëson gjendjen e jashtëzakonshme

Presidenti francez, Emmanuel Macron nënshkroi sot ligjin kundër terrorizmit që pritet të zëvendësojë gjendjen e jashtëzakonshme.

“Ky ligj do të na mundësojë të dalim nga gjendja e jashtëzakonshme duke filluar nga data 1 nëntor duke garantuar sigurinë e qytetarëve tanë”, deklaroi presidenti.

Në qendër të këtij teksti, figuron përforcimi i pushteteve të autoriteteve administrative (prefekti, ministri i Punëve të Brendshme) si dhe do të jetë më e lehte të kryehen hetime në banesë, të mbyllet një vend kulti apo të zhvillohen kontrolle të identitetit në kufij.

Këto masa rrjedhin nga gjendja e jashtëzakonshme pas atentateve të 13 nëntorit 2015 të zgjatur për herë të gjashtë në korrik.