Manchester United mund 1-0 Tottenham dhe konsolidon vendin e dytë në kampionatin anglez. Në ndeshjen e parë të javës 10-të vendasit fituan falë një goli të shënuar nga Antoni Marsial në minutën e 81-të.
Dueli i zhvilluar në stadiumin “Old Traford” foli për miqtë në pjesën e parë që patën rastet më të mira ndërsa në pjesën e dytë Junajtid ishte më superior dhe e kërkoi më shumë golin. Pasi Lukaku goditi shtyllën ai që e gjeti golin 10 minuta nga fundi ishte francezi Marsial i futur në fushë në pjesën e dytë. Skuadra e Murinjos konsolidon vendin e dytë në Angli me 23 pikë.
