Shteti Islamik ka kërcënuar sërish, e këtë herë gishti është drejtuar nga Botërori “Rusi 2018” që do të zhvillohet verën e ardhshme.
ISIS ka publikuar në rrjet një fotomontazh të Lionel Messit që derdh lotë gjaku pas hekurave, me një mesazh të shkruar në anglisht: Ju po luftoni një shtet, i cili nuk e njeh fjalën “dështim” në fjalorin e tij.
Në “Telegram”, aplikacionin e mesazheve të përdorur shpesh nga militantët xhihadistë të Shtetit Islamik, qarkullon prej kohësh një imazh i një luftëtari të ISIS, të armatosur me kallashnikov dhe me një bombë gati për të shpërthyer, ndërkohë që në sfod shihet qartësisht profili i “Volgograd Arena”, njëri prej stadiumeve që do të presë fazën finale të Botërorit të vitit të ardhshëm.
Britanikja “the Sun” shkruan edhe për një poster të dytë propagandistik të një terroristi të armatosur që mbikëqyr “Luzhniki Stadium” të Moskës, aty ku më 15 korrik të vitit të ardhshëm do të luhet edhe finalja e Botërorit.
