Reagimi pasi kreu i PBDNJ-së i tha deputetit Erjon Brace “mos bëj si kone”, Kryeministri: “Je një grek i mirë, je një mik i joni ndaj dhe reflekto hajde bëhu pjesë e PS-së”
Një ofendim që erdhi nga kryetari i PBDNJ-së ndaj deputetit socialist Erjon Brace: “mos bëj si kone”, ka shkaktuar reagimin e ashpër të kryeministrit Rama ndaj kreut të PBDNJ-së Vangjel Dule. Në përgjigje të Dules, Rama tha: “Përfaqëson një komunitet të nderuar që do të jetë i përfshirë në kampin e së majtës. Përfshihu edhe ti Vangjel në PS bashkë me shumë motra dhe vëllezër minoritar. Mund të bashkohesh me ne ose me LSI. Nuk është normale ajo që thua ti kone, imagjino të të thoshte ty dikush këtu: Mos bëj konen e Greqisë. Unë të shoh si pjesë tonen dhe ti e di shumë mirë se ne jemi një familje ku kemi shumë mosmarrëveshje por nuk e lëshojmë njëri-tjetrin. Mos fol për të varfrit Vangjel si ata që ikën nga salla e kuvendit se po abuzohet me këtë histori. E di mirë Vangjel edhe historinë e re dhe atë të vjetër. E di mirë se si u abuzua në emër të të varfërve në Greqi dhe po vuan aq shumë sot. Je një grek i mirë je një mik i joni ndaj dhe reflekto hajde bëhu pjesë e PS-së. Do të bëjmë dhe atë që të duket e pamundur. Do të të bëjmë mik me Shpëtim Idrizin”, ka përfunduar Rama.
