Strakosha shndërrohet në hero, pret penalltinë e Dibalës në sekondat e fundit (film)

Thomas Strakosha është heroi i ndeshjes në supersfidën Juventus-Lacio të përfunduar pak çaste më parë me fitoren e miqve nga Roma.

Në takimin që skuadra e Lacios fitoi me rezultatin 1-2, portieri shqiptar priti një penallti në minutën e 94-rt të akorduar nga gjyqtari pasi u konsultua me sistemin “Var”. Si pasojë vjen edhe humbja e parë në kampionat për bardhezinjtë pas javës së 8-të.

Pritej reagimi i të zotëve të shtëpisë por në minutën e 53-të miqtë nga Roma fitojnë një penallti që ekzekutohet saktë nga Immobile duke realizuar golin e dytë personal dhe të dytin për ekipin. Juventusi prej këtij momenti rrit presionin dhe tenton të barazojë shifrat me çdo kusht.

Në minutën e 94-rt, të fundit shtesë të akorduar nga arbitri, Juventus fiton 11-metërsh falë sistemit teknologjik “Var”. Po para se të festojë “bardhezinjve” iu duhet të kalojnë një pengesë të pakalueshme. Strakosha kupton krahun e goditjes nga Dybala dhe gjyqtari vërshëllen menjëherë. Fitore me protagonist absolut portierin shqiptar Thomas Strakosha.

Pas 8 ndeshjesh, Juventusi mban vendin e 3-të me 19-të pikë, po aq sa Lacio e vendit të 4-rt dhe 2 më pak se Napoli kryesues që luan takimin e javës kundër Romës.

https://youtu.be/R_hH9iyrk04