Ç’po ndodh me rrjetet sociale? Ja dhjetë personat më të ndjekur në Shqipëri

Një studim i  kryer nga departamenti i Komunikimit në Universitetin Evropian të Tiranës dhe i botuar në revistën Mapo ka nxjerrë top-listën e njerëzve më të ndjekur në botën virtuale, ku në krye ndodhet një aktor humori, Ermal Mamaqi, i ndjekur një “aktor” i  jetës politike dhe pikërisht kryeministri Edi Rama.

Sipas të dhënave statistikore, shqiptarët kanë një varësi të lartë nga interneti dhe rrjeti i tyre më i parapëlqyer është Facebook-u.

Nga 2.911.000 njerëz që banojnë në Shqipëri, 1.932.024 janë përdorues të rregullt të internetit dhe nga këta 1,400.000 kanë një profil të hapur në Facebook.

Rrjeti i dytë më i ndjekur ishte Instagrami, me gati gjysmën e personave që gjenden në Facebook, 680.000 dhe më pas vjen Twitter dhe rrjetet e tjera.