Presidenti turk Erdogan do të vizitojë sot në një vizitë zyrtare dy ditore Beogradin nën masa të rrepta sigurie. Erdogan do të shoqërohet nga tetë ministra turkë që do të mbërrijnë në Beograd, dhe do të ketë me vete rreth 50 truproja personale.
Për sigurinë e Erdogan do të jenë të angazhuar edhe 3 mijë policë Serb përpos sigurisë personale të presidentit turk.
Pak ditë më parë disa ekipe turke të sigurisë kanë mbërritur në Beograd, të cilët kanë për detyrë të kontrollojnë rrugët dhe vendet që do të vizitojë Erdogan.
“Forcat Speciale turke janë ndihmë e madhe dhe do të jenë ndihmë e madhe për mijëra kolegë serbë. Në këtë punë do të përfshihen edhe SAJ, Xhandërmëria, Cobra si dhe Drejtoria e Serbisë dhe Ministrisë së Brendshme”, thuhet në raportin e mediave serbe.
