Policia e Elbasanit ka arrestuar një 25-vjeçar, pasi ka ushtruar dhunë fizike ndaj nënës së tij.
Mësohet se ndalimi i Aldo Sabriut, i arrestuar edhe më parë për “Dhunë në familje”, u bë nga specialistët për Krimet në Komisariatin e Policisë në Elbasan.
Uniformat blu sqarojnë se: “ndalimi i tij, u bë pasi në banesë më datë 03.10.2017, për motive të dobëta dyshohet të ketë ushtruar dhunë fizike ndaj nënës së tij, shtetases R.Sh., 51 vjeçe banuese në Elbasan për të cilën është plotësuar urdhër – mbrojtje”.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Dhuna në familje” dhe “Veprime në kundërshtim me vendimin e gjykatës”.
