Pavarësisht se të gjitha raportet e huaja dhe vendase flasin me shifra për investimet e huaja në nivel afër zeros, kryeministri thotë të kundërtën madje thotë se janë rritur edhe në krahasim me Maqedoninë. Raportet ndërkomëtare flasin për rritje spektakolare të investimeve në Maqedoni dhe për ulje drastike të investimeve të huaja në Shqipëri. Kryeministri tha edhe se ka ulur burxhin publik, çmimin e energjisë dhe ka rritur punësimin.
“Nga 1.6 miliard borxh që kemi marrë kemi larë 2.2 miliard borxh. Kemi larë më shumë borxh se cc’kemi marrë. Kemi hyrë në rrugën e uljes së borxhit.. në se në 2013 një shqiptar paguante 107 euro borxh në ditë sot paguan 10 për qind më pak”. Kjo deklaratë për borxhin publik është bërë nga nga Edi Rama, gjatë renditjes së “sukseseve” në Asamblenë Kombëtare të PS.
Ka edhe një deklaratë tjetër për investimet e huaja. “Mund të kemi opinione të ndryshëm për investimet e huaja por s’mund të kemi fakte të ndryshme për nivelin e investimeve të huaja qoftë në raport me qeverisjen e vjetër e qoftë në raport me rajonin. Janë rritur investimet e huaja janë rritur edhe në raport me Maqedoninë edhe me Serbinë”.
Të dy deklaratat janë rasti i pastër i mashtrimit të mbështetur me citime shifrash abuzive. E bën nga padia apo e bën ngase do të bëjë propogandë me shifra pak rëndësi ka. E vërtetë është e kundërta e asaj që thotë kryeministri.
Borxhi Publik
Borxhi publik në qeverisjen e socialistëve është rritur. Nëse duhet një shifër borxhi ka shkuar nga 70 në 73 për qind të Prodhimit Kombëtar. Nëse duhet një referencë le të kujtojmë raportin e stabilitetit të ekonomisë shqiptare bërë nga FMN pak javë më parë. Madje atje thuhet se nëse borxhit i shtojmë edhe atë të kompanive publike ai shkon mbi 100 për qind të Prodhimit Kombëtar. Ka një pjesë të vërtetë ne deklaratën e parë. Sot vërtet paguajmë më pak për borxhin, por kjo nuk është meritë e qeverisë, por e normës së interesave që tenton të shkojë drejt zeros.
Investimet e huaja
Në dy vitet e fundit, 2014 dhe 2015 kanë rënë me të paktën 100 milion euro në vit. Shifra është zyrtare dhe e publikuar nga Banka e Shqipërisë. Por Banka nuk i ka thënë të gjitha (sepse nuk i takon). Investimet e huaja në dy vitet e fundit mbahen gjallë nga dy projekte të vetme: Gazsjellësi TAP dhe Kaskada e Devollit. Janë vetëm dy kantiere ku punohet në Shqipëri, dhe janë që të dy projekte të firmosura nga qeveria e kaluar.
Por Rama i përfshirë nga vrulli i retorikës politike, nuk nguron të lëshojë edhe një tjetër “bombë”. Ai deklaroi: “Në dy vjet e gjysëm kemi shtruar 207 km rrugë nacionale”. Këtu ndryshon puna. Këtë njerëzit e shohin me sy, ndryshe nga shifra e borxhit dhe investimeve, që janë më pak të kapshme për publikun. Veshja e rrugës ndryshon nga shtrimi i rrugëve. Sepse për rrugët Rama mund të flasë vetëm kur të “kthejë nga Kina” Rrugën e Arbërit.
