Ish kryeministri i Republikës së Turqisë, Ahmet Davutogllu në një ligjëratë para studentëve të Universitetit të Tetovës, tha se e ndjen veten si pjesë e stafit akademik të UT-së.
Davutogllu, duke iu përgjigjur pyetjes së studentëve për marrëdhëniet mes shqiptarëve dhe turqve, theksoi se kur bëhet fjalë për këtë miqësi nënkuptohet një familje.
“Nëse vini në Turqi, do t’i shihni turqit dhe shqiptarët të jetojnë në një familje. Andaj, nuk do t’i referohem çështjes shqiptaro-turke ndaras. Turqit dhe shqiptarët janë një familje, vetëm një familje. Ndonjëherë thuhet se ka dy apo tre shtete shqiptare. Jo, edhe Turqia është shtet shqiptar, po aq sa është edhe shtet turk”, është shprehur Ahmet Davutogllu.
