Policia e Durrësit ka arrestuar një person i cili ishte shpallur në kërkim ndërkombëtar për llogari të autoriteteve italiane.
I arrestuari është D. Xh., 39 vjeç, banues në Durrës, i cili u prangos pasditen e djeshme, pasi rezulton i dënuar me 10 vite burg për veprat penale “Falsifikimi të dokumenteve” dhe “Vjedhje”.
Arrestimi i tij u bë me qëllim ekstradimi drejt shtetit fqinj, ku pritet të vuajë dhe dënimin.
D.Xh., është shpallur në kërkim nga zyra e Interpol Tirana pasi Gjykata e Apelit në Bologna, të Italisë në shkurt të vitit 2013 e ka dënuar me 10 vite burg.
