Të zgjedhurit e veshjes së përshtatshme apo të pëlqyeshme ndonjëherë është e vështirë edhe në jetën e përditshme.
Imagjinoni si mund të jetë në raste festash, ditëlindjesh apo në atë ditë që për shumë gra është më e rëndësishmja e jetës, bëhet fjalë pikërisht për dasmën.
Këtë mani shumë njerëz e lidhin me moshën, por ndoshta ngaqë ende nuk kanë dëgjuar për Sylvia Martin.
93-vjeçarja australiane për pak muaj martohet me të dashurin e saj Frank, 88-vjeç pas 20 vitesh njohje, por ajo që e mundon është vendimi se çfarë të veshë.
Duke parë pasigurinë e të moshuarës, stafi i dyqanit pasi mori dakodësinë e saj vendosi të kërkojë ndihmën e përdoruesve në Facebook që të votonin fustanin më të bukur.
Aktualisht më i preferuari për përdoruesit në rrjetet sociale është B, pas tij D, A dhe i fundit C. Me siguri tani Sylvia ka një ide më të qartë.
