“Guerrils”, takim në mesnatë

Tifozët e Partizanit nuk kanë pritur orën 18:00 të së premtes për të parë nga afër idhujt e tyre, por i kanë vizituar ata në hotelin ku janë akomoduar në prag të derbit. “Guerrils”, po aq të zhurmshëm sa pritet të jenë sot në “Qemal Stafa” kanë qenë edhe poshtë “Vila Park”, madje jo shumë kohë përpara mesnatës së të enjtes. Qëllimi i takimit ka qenë për t’i bërë të ditur edhe një herë futbollistëve se sa i rëndësishëm është për ta derbi, ndoshta edhe më shumw se vetë titulli kampion. Sipas tyre, disa nuk e dinë ekzaktësisht se çfarë do të thotë ky 90 minutësh dhe ata vetë janë kujdesur për t’ia treguar me të gjitha mënyrat: me fjalë, këngë, apo xheste. Vetëm një fitore ndaj Tiranës mund të zerojë rezultatet negative të skuadrës së kuqe në ndeshjet e fundit dhe nëse ky paralajmërim taksativ do të rriste edhe më shumë presionin tek futbollistët, ultrasve kjo nuk u intereson… Ata thjeshtë i njoftuan.