Kryebashkiaku i Tiranës shpërfill protestën e biznesit të vogël për rritjen e taksave
Pas protestës së përsëritur të tregtarëve dhe pronarëve të bizneseve të vogla për rritjen e taksave, reagoi kryetari i Bashkisë së Tiranës Erjon Veliaj. Ai e vlerësoi të politizuar protestën pasi tha se është organizuar nga drejtorët e naftës në kohën e Berishës.
Ndërkohë protestuesit kanë të qarta kërkesat e tyre kundër taksave të reja parashikuar në paketën fiskale qe u miratua në mbledhjen e fundit të Këshillit Bashkiak. Ata thanë se taksat janë 10 fishuar taksat dhe i kërkojnë kryetarit të bashkisë të tërheqë vendimin. Përgjigja e Veliajt ndaj tyre ishte: “Kur dy drejtorë të Sali Berishës që kanë vjedhur naftën organizojnë protestën e tregtarëve kjo vjen era naftë e padrejtësi. Drejtorët e naftës së Saliut kanë goditur në derën e gabuar.
Për tregtarët e lokaleve bashkia i ka zeruar taksën e biznesit të vogël. Çfarë bën brenda lokalit të vet është zero taksa. Në momentin që del jashtë lokalit ke zënë hapësirën publike dhe kjo kushton. Ne kemi kërkuar që seicili për 1 metër katror të paguajë 50 lekë në ditë. Kam premtuar që do ua kthej mbrapsht qytetarëve hapësirën publike. I bëj thirrje tregtarëve të bëhen seriozë të distancohen nga bosat e naftës që po keqpërdoren Tirana do bëhet nuk merrem me histerinë do bëj histori në Tiranë”.
