8 kandidatët për të marrë drejtimin e Byrosë Kombëtare të Hetimit, kanë nisur intervistat në SPAK.
Kndidatja Aida Veizaj (Hajnaj), sapo ka hyrë në SPAK për t’u përballur me Komisionin e Përzgjedhjes në intervistimin që do të zhvillohet nga tre anëtarët e këtij komisioni, Arben Kraja, Ened Nakuçi dhe Behar Dibra.
Katër kandidatët e ditës së sotme do të pyeten përkatësisht nga 60 minuta. Në orën 11:00 do të intervistohet Ardian Çipa, një orë më vonë Artur Beu dhe në orën 13:00, Ervin Hodaj.
Gjatë ditës së nesërme do të merren në pyetje dhe katër kandidatët e tjerë që janë:
- Gentjan Shehaj, ora 10.00
- Lindita Nushi, ora 11.00
- Idajet Faskaj, ora 12.00
- Ylli Pjetërnikaj, ora 13.00
