Ndërtimi i një këndi lojërash nga Bashkia brenda Parkut të Liqenit ka sjellë sot një konfrontim mes protestuesve nga shoqëria civile dhe policisë, si dhe konfrontim politik mes PD-së dhe Bashkisë Tiranë. Dhejtra qytetarë të Tiranës janë konfrontuar me policinë bashkiake dhe atë të Rendit tek kodrat e liqenit duke shënuar dhe një rast flagrat të qëllimit të një gruaje nga ana e policisë. Protestuesit në orët e paradites kanë shembur sërish rrethimin dhe janë konfrontuar deri në përplasje fizike me policinë, duke i quajtur këto punime si të paligjshme. Ndërkohë që janë shoqëruar ne komisariat rreth 10 protestues mes tyre dhe gra e vajza nga uniformat blu pasi, kanë përdorur forcë dhe kanë kundërshtuar policinë.
Përfaqësues të shoqërisë civile kanë shkulur gardhin rrethues në zonën ku do të bëhet parku dhe me to në duar janë drejtuar drejt Bashkisë së Tiranës, ku thonë se do të vijojnë protestën.
Bashkia thotë se të gjitha llojet e ndërtimeve janë plotësisht ndërtime mjedisore, përdoren materiale si druri, ashklat e drurit, plastika e ripërdorur për sheshe, që fëmijët mund të luajnë e të mos vriten, stola dhe hapësira për fëmijët.
Reagimi i së djathtës
Sekretari për Aksionin Qytetar në PD, Ervin Salianji dhe këshilltarë të PD në Bashkinë e Tiranës denoncuan sot sërish projektin për ngritjen e një parku tek zona e Liqenit. “Çdo ditë policia e Shtetit dhe Inspektorati Ndërtimor Urbanistik Kombëtar nxjerrin lajm kur arrestojnë, burgosin qytetarë të cilët ngulin një gozhdë, suvatojnë ballkonet apo hapin një dritare. Ndërkohë në mes të Tiranës, në një park të mbrojtur me ligj ku nuk lejohet kategorikisht ndërhyrja bëhet ndërtim i paligjshëm. Siç e shikoni pas nesh, jemi në kushtet kur policia e Shtetit dhe Inspektorati Ndërtimor Urbanistik Kombëtar mund të kapë në kushtet e flagrancës punjës që punojnë me urdhër nga kryetari i Bashkisë për të ndërtuar një vepër korruptive dhe klienteliste, jo një park lojërash siç thotë, por një lokal me vlerë 800 milionë lekë për klientët e vetë qeverisë. Ne para katër ditësh kemi dorëzuar një kallëzim penal në Prokurorinë e Tiranës. Edhe njëherë i bëjmë thirrje Prokurorisë që ta hetojë sa më shpejt sepse kjo çështje është në ndjeshmëri të lartë publike dhe nga ana e Prokurorisë duhet të trajtohet siç i takon”, u shpreh Salianji.
Veliaj: Punët janë më të dobishme se fjalët!
Pas ngjarjeve të paradites te Parku i Liqenit Artificial të Tiranës, ku dhjetëra qytetarë u përleshën me Policinë Bashkiake dhe atë të Rendit, pikëtisht për një projekt të Bashkisë së Tiranës (që synon të ngrejë aty një kënd lojërash për fëmijë) dhe përshkallëzimit të situatës, ka ardhur edhe reagimi i kryebashkiakut Erion Veliaj, nëpërmjet një statusi nga profili i tij në Facebook.
“Para 6 muaj Liqenit s’i ndizej asnjë llampë, stolat ishin të shqyer e kishte 0 aktivitete! Sot është plot, mbi 2000 pemë janë mbjellë, mbi 150 kosha janë vendosur/riparuar dhe këndi i fëmijëve një risi”,- shkruan kryebashkiaku veliaj në Facebook.
