Ceremonia nga Ministria e Mbrojtjes dhe Bashkia Tiranë
Në kuadër të 7-vjetorit të anëtarësimit të Shqipërisë në NATO, Ministria e Mbrojtjes do të organizojë në bashkëpunim edhe me Bashkinë e Tiranës një ceremoni ku do të ekspozohen të gjitha pajisjet ushtarake.
Mësohet se do të ekspozohen disa nga asetet e Forcave të Armatosura, përkatësisht të Forcës Tokësore armatimi i ri, të Forcës Detare gomone dhe polumbarë dhe mjete të tjera të detarisë. Nga Forca Ajrore, do të prezantohen 3 helikopterë, 2 Cougar dhe 1 i shëndetësisë. Nga Policia Ushtarake do të paraqiten mjetet e blinduara, si dhe do ë ketë një ekspoze të mjeteve dhe pajisjeve të tjera në FA.
Për shkak të kërkesave të shumta për të vizituar dhe parë nga afër repartet apo komandat, Ministria e Mbrojtjes ka vendosur që të vijë në mënyrë të organizuar në 7-vjetorin e anëtarësimit në NATO për të qenë më pranë komunitetit. Në këtë aktivitet do të flasë ministrja e Mbrojtjes, ministri i Brendshëm si dhe kryetari i Bashkisë së Tiranës.
