Vajza: Mezi pres të shoh çfarë mund të bësh për fëmijët e Sirisë
“Ju duhet të bëni diçka për fëmijët në Siri sepse janë si fëmijët e tu dhe meritojnë të jetojnë në paqe si ata”. Kështu i shkruan Donald Trump-it, Bana Alabed, vajza 7 vjeçare nga Aleppo e njohur nga e gjithë bota me twitter-at e saj nga Aleppo.
Në letrën e publikuar nga BBC vajza e vogël i lutet Donald Trump që të shpëtojë fëmijët dhe njerëzit në Siri.
Gjithashtu vajza i thotë Trump-it se miliona fëmijë sirianë po vuajnë në shumë zona të Sirisë. Ata po vuajnë për shkak të të rriturve, shkruan ajo.
Nëna e saj shprehet se Bana e ka shkruar letrën ditë përpara ceremonisë së përurimit të Trump si presidentit sepse e kishte parë shpesh në tv.
Letra
“I dashur Donald Trump!
Unë quhem Bana Alabed. Jam një vajzë siriane 7 vjeçe nga Aleppo.Kam jetuar në Siri deri në momentin kur u largova në dhjetor të vitit të kaluar.
Jam një nga fëmijët sirianë të cilët vuajtën nga lufta në Siri. Por në këto momente po jetoj në paqe në shtëpinë time të re në Turqi. Në Aleppo isha në një shkollë e cila u shkatërrua nga bombardimet.
Shumë prej shokëve e shoqeve të mia vdiqën.
Jam shumë e hidhëruar për ta. Do të kisha dashur që të ishin me mua të loznim së bashku. Në Alepo nuk mund të luaja, ishte qyteti i vdekjes Tani në Turqi mund të dal dhe të gëzoj.
Mund të shkoj në shkollë. Kjo është arsyeja pse paqja është e rëndësishme për çdo njeri përfshi dhe mua. Sidoqoftë miliona fëmijë sirianë nuk janë si mua dhe po vuajnë në shumë zona të Sirisë.
Ata po vuajnë për shkak të të rriturve. E di që do të bëhesh president i SHBA-së prandaj të lutem a mund të shpëtosh fëmijët dhe njerëzit në Siri?
Ju duhet të bëni diçka për fëmijët në Siri sepse janë si fëmijët e tu dhe meritojnë të jetojnë në paqe si ata. Nëse do më premtosh se do të bësh diçka për fëmijët në Siri, atëherë ti ke një mike të re. Mezi pres të shoh çfarë mund të bësh për fëmijët e Sirisë”.
