Nga Albana Vokshi
Të gjithë edukatorëve, mësuesëve dhe pedagogëve ju uroj nga zemra shumë suksese në misionin e tyre hyjnor.
Në cilësinë e Kryetares së Komisionit Parlamentar të Arsimit angazhohem për të mbrojtur lirinë akademike dhe çdo të drejtë të tyre.
Angazhimi im për arsimin është edhe një amanet i gjyshit tim, heroit të Kosovës Bajram Gashit, i cili me paratë e tij hapi shkollat e para në Rrashbull dhe Fllake te Durrësit si dhe punoi si mësues në disa shkolla në Shqipëri.
Më pas, Bajram Gashi u bë Prijës në luftën kundër ripushtimit të Kosovës. Ai bashkë me dhjetëra patriotë të Lëvizjes Kombëtare Shqiptare u vra gjatë një beteje të ashpër me forcat serbe në Istog, në 8 Shkurt 1945, në moshë shumë të re, ndërsa për pak ditë do të festonte ditëlindjen e tij të 35-të !
