Dietat premtojnë rënie në peshë në kohë të shkurtër, por janë të dëmshme. Revista “Vanityfair”, liston dietat që nuk duhet te provohen sepse edhe nese arrijme qëllimin, dobësimin në një kohë të shkurtër, veme në rrezik shëndetin . Ekipi mjekësor i Institutit Mjekësor Europian në Madrid, Spanjë, ka listuar pesë dietat që duhen shmangur absolutisht përgjatë 2016-ës.
1-Dieta që përqendrohen te një element i vetëm, sikurse është dieta e limonit, rrushit apo mollës. Të dobësojnë shpejt, por krijojnë deficit në shëndet. Rrezik konstant i këtyre dietave është fakti që humbet masa muskulore, teksa me kalimin e kohës, fitohen kilet e humbura sapo i rikthehesh normalisht ushqyerjes.
2-Dietat shumë strikte, sikurse janë ato që premtojnë për humbjen e 500 kalorive, të ashtuquajturat “last minute” –“dieta e minutës së fundit”. Përveçse ndikon negativisht në gjendjen emocionale, shkakton ankth dhe stres, duke dëmtuar shëndetin në kohë të gjatë. Çfarë ndodh konkretisht me trupin tonë? Si reagim, trupi ynë vë në funksion mekanizmat e mbijetesës, ngadalëson metabolizmin për të shfrytëzuar ato pak energji që gjenden në organizmin tonë, një pjesë e të cilëve i mban rezervë.
3-Dieta hiperproteinike apo dieta me përmbajtje të lartë proteinash, janë ato dieta që përdorin produkte me përmbajtje të lartë proteinash, nga ana tjetër çojnë drejt zeros konsumimin e karbohidrateve. Janë të rrezikshme sepse krijojnë gjendjen e “ketosisit”, ndaj dhe për të kapërcyer rënien e sheqerit, organizmi merr energji nga proteinat, duke dëmtuar veshkat dhe mëlçinë. Kjo është një prej arsyeve përse këshillohet të pihen pije që pastrojnë organizmin dhe për të nxitur daljen e toksinave.
4-Dietat me bazë riciklimin e frutave dhe perimeve, herë pas here edhe pse kanë vlera të larta mineralesh dhe vitaminash, nuk këshillohen të mbahen për një kohë të gjatë. Sipas studimit, këto dieta duhen mbajtur 48 orë, me qëllim pastrimin e organizimit dhe jo për qëllime dobësimi.
5-Dietat me zero karbohidrate, gjithashtu nuk këshillohen. Arsyeja? Eliminimi i të gjitha karbohidrateve, do të thotë t’i heqësh trupit burimin kryesor të sheqerit të mirë, rrjedhimit të energjisë.
