Numri i rasteve të reja dhe vdekje nga COVID-19 vazhon të rritet por me ritme më të ngadalta. Sipas ekspertëve, vala e madhe e infektimeve tashmë po shfaqet në vendet e lindjes dhe Amerikën Latine.
Raportohet se numri i rasteve në mbarë botën ka shkuar në 5 milionë e 306 mijë e 237 persona, ndërsa numri i të vdekurve ka shkuar në 340 mijë e 047. Numri i pacientëve të shëruar është rritur duke shkuar në 2 milionë e 160 mijë e 159 pacientë të shëruar.
Në SHBA në total janë 1 milion e 645 mijë e 094 të infektuar dhe 97 mijë e 647 të vdekur nga COVID-19. Ka ndryshuar renditja, pasi Brazili ka kaluar në vendin e dytë, ku ka 332 mijë e 382 raste dhe 21 mijë e 116 të vdekur.
Rusia renditet e treta me 326 mijë e 448 raste, por me një numër të ulët të vdekjeve. Rusia raporton 3 mijë e 249 të vdekur nga COVID-19. Spanja renditet e katërta ku në total ka 281 mijë e 904 raste dhe 28 mijë e 628 të vdekur. Më pas vjen Mbretëria e Bashkuar e cila raporton për 254 mijë e 195 raste dhe 36 mijë e 393 të vdekur. Në vendin e gjashtë renditet Italia me 228 mijë e 658 raste dhe 32 mijë e 616 të vdekur. Franca renditet pas Italisë me 182 mijë e 219 raste dhe 28 mijë e 289 të vdekur nga COVID-19.
