Ish-ministri i Jashtëm, Ditmir Bushati që Edi Rama e la jashtë listës për zgjedhjet e 25 prillit shprehet se Shqipëria ka nevojë për ide të reja.
Në një bashkëbisedim me të rinjtë në Instagram, Bushati i bëri thirrje që pas 11 ditësh të shkojnë dhe të votojnë për njeriun që mendojnë se mund të bëjë punë më të mira për Shqipërinë.
“Vota është fuqia që ju keni në dorë për të ndryshuar, përmirësuar, korrektuar për t’i dhënë shansin një qeverie, pushtetit vendor për të zbatuar disa politika. Pjesëmarrja është shumë e rëndësishme dhe standardi.
Pasi një proces me pjesëmarrje të lartë zgjedhore është një indikator për besimin që kanë njerëzit te procesi. Me votë dhe kërkesë mund të ndryshoni trajektoren e vendit për më shumë të drejta shoqërore, për të pasur ide të reja për ekonominë e Shqipërisë.
Mendoj që një pjesëmarrje e lartë në procesin zgjedhje të 25 prillit është një garanci për një qeverisje me demokratike pas 25 prillit. Unë besoj se partitë politike pavarësisht mangësive kanë në lista kandidatë me integritet dhe është e mundur për të bërë një zgjedhje dinjitoze edhe për 25 prillin dhe mbi të gjitha është e nevojshme për të fuqizuar zërin qytetar që nuk mbaron në 25 prill.
