Robin Krasniqi, Elvis Hetemi dhe Jurgen Uldedaj kanë triumfuar në Halle të Gjermanisë.
Jurgen Uldedaj fitoi titullin e parë në karrierë. Ai mposhti çekun Jakub Synek (8-1-1, 2 KO) duke i shkaktuar humbjen e parë në karrierë. Me “grushta të çeliktë” talenti shqiptar ka gjakosur çekun, i cili gjithsesi arriti të shmangë nokautin duke u “mbijetuar” të gjitha raundeve.
Krasniqi mposhti mposhti Grafkën me vendim të gjyqtarëve. Robin Krasniqi ka zgjedhur të futet në ring me këngën “Kuq e zi je ti”, ndërsa duartrokitjet e publikut shqiptar në sallë kanë qenë të shumta. Ashtu si 20-vjeçari Uldedaj, edhe Krasniqi ka luajtur ndeshjen duke përfaqësuar Gjermaninë.
Boksieri kosovar Hetemi tregoi cilësitë e tij në duelin e tij ndaj çekut Stanislav Eschner ku e mposhti me vendim unanim. Kjo ishte ndeshja e 10-të në karrierën e tij në boksin profesionist dhe njëherësh fitorja e 10-të. Tetë nga fitoret, Elvisi i ka realizuar me nokaut.
