Gjykata e Fierit ka vendosur të lërë në burg Musa Gudon të dashurin e 23-vjeçares që dy ditë më parë denoncoi se ai e kishte përdhunuar bashkë me shokun e tij Orges Aliçani.Ky i fundit është liruar nga gjykata, nën masën e sigurisë “Detyrim Paraqitje”.
Ditën e djeshme 23-vjeçarja tha se para disa ditësh i dashuri e kishte ftuar në shtëpinë e tij ku ndodhej bashkë me shokun e tij, të cilin ajo e njihte më parë. Vajza ka treguar se djemtë i kishin kërkuar që t’u siguronte një sasi parash pasi kishin tepër nevojë, duke i sugjeruar që t’i merrte nga të afërmit e saj.
Ajo ka refuzuar, çka ka bërë që ata ta përdhunojnë me forcë, tregon vajza. Në gjendje të rënduar psikologjike, vajza thotë se i ka treguar familjarëve çfarë kishte ndodhur.
Pas mbledhjes së provave, të mërkurën policia bëri të mundur arrestimin e dy djemve, një 25 dhe 26 vjeç. Një prej tyre ka qenë i dënuar më parë kundërshtim dhe goditje të prokurorit.
