Ne shqiptarët mburremi se kemi bregdet të bukur e kemi turizëm, por ankohemi pse sna vijnë turistët e huaj ose kur vijnë ikin të zhgënjyer. Kush e ka fajin për këtë?
Mjafton të lexoni këtë histori që ka ndarë me miqtë në facebook gazetari Agim Xhafka si më poshtë;
“Një holandez sapo bleu një paketë cigare këtu në Dhërmi. Plot 22 euro ose 3 mijë lekë të reja!!!
Dy çunat tek kioska qeshnin.
-I bëtë dëm vetes,-u thashë-Ai do lajmërojë krejt autobuzin që deri në Korfuz askush mos iu afrohet dyqaneve shqiptare.
Por çunat qeshnin. Mashtrimi iu kishte rritur adrenalinën. Qeshnin”.
-Një histori e shkurtër që tregon shumë. A mjafton kjo histori e vogël për të kuptuar se kemi shumë rrugë për të ecur për të mësuar sjelljen korrekte me këdo, qoftë i huaj apo shqiptar, se turizmi nuk bëhet kështu.
