Pas dy orësh ka përfunduar marrja në pyetje e Alqi Bllakos nga Prokuroria e Posaçme. Përpara prokurorit të çështjes ku sqaruar të gjithë rolin e tij në dhënien me koncesionin inceneratorin e Fierit dhe ka mohuar të gjitha akuzat që rëndojnë mbi të. Në deklaratën e tij, Bllako tha se nuk ka shpërdorura kurrë detyrën pasi nuk ka pasur gisht dhe kompetenca në procedura për inceneratorët. Sipas tij procedura është kryer dhe është ndjekur nga komisioni i ngritur për këtë çështje në Ministrinë e Mjedisit.
Ndër të tjera, ai ka treguar se ka pasur detyre vetëm ta përcjellë shkresën Këshillit të Ministrave për Miratim. Përsa i përket akuzës së korrupsionit për punësimin e babait të tij në mënyrë fiktive në inceneratorin e Tiranës, Bllako është shprehur se kontrata për punësimin e babait të tij nuk është firmosur nga Klodian Zoto, por nga ana e administratorit Italian. Gjithashtu ai ka shtuar se babai i tij ka prishur kontratën e punës disa muaj përpara se të firmosej aktmarrëveshja për inceneratorin e Fierit. Dëshmia e Bllakos do administrohet tashëm në fashikujt e dosjes hetimore.
