Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

190 mijë paund në javë, njihuni me futbollistin adoleshent më të paguar në botë

Nga Ejona 0

Jadon Sanço është një nga objektivat kryesorë të Mançestër Junajtid për merkaton e janarit. “Djajtë e kuq” janë gati t’i paguajnë 100 milionë paund skuadrës së Borusia Dortmundit për talentin e tyre. Me Romelu Lukakun të shitur tek Interi dhe Aleksis Sançez me Pol Pogba drejt largimit, klubi anglez do të ketë të gjithë mundësitë financiare për të sjellë 19-vjeçarin në Mançester.

Dëshira e trajnerit norvegjez, Ole Gunar Solskjaer është të shohë Sançon të veshë fanellën e Junajtid. Sezoni i lojtarit të Borusias ka qenë mahnitës me dy gola dhe dy asiste në tri ndeshje. Ai mundi i vetëm Bajernin e Mynihut në Superkupën e Gjermanisë duke bërë për vete të gjithë tifozët gjermanë.

Klubi verdhezi vendosi t’ia rrisë rrogën talentit, të cilin ka frikë ta humbasë në merkaton e ardhshme. Me 190 mijë euro në javë, ai bëhet një nga lojtarët më të paguar në botë për moshën që ka. Junajtid kërkon me çdo kusht lojtarin për të arritur të jetë sërish mes skuadrave më të mira në Angli dhe Europë.

Dhe të mendosh se lojtari erdhi në moshën 18-vjeçare nga skuadra e Mançester Sitit, e cila nuk arriti të shihte talentin e lojtarit për të cilin Borusia Dortmund pagoi vetëm 7.8 milionë euro dhe tani mund ta shesë për më shumë se 100 milionë. Listën e lojtarëve më të paguar nën moshën 21- vjeçare e kryeson sulmuesi serb i Realit të Madridit, Luka Joviç, i cili fiton 365 mijë paund në javë duke lënë pas edhe Kilian Mbapenë që fiton 325 mijë paund në javë me skuadrën e Parisit.

/360grade.al/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej